ළමුන්ට එරෙහි හිංසනය වැළැක්වීම සහ ඔවුන්ගේ ආරක්ෂාව තහවුරු කිරීම වෙනුවෙන් ජාතික ළමා රක්ෂණ අධිකාරී පනතට සහ දණ්ඩ නීති සංග්රහයට වැදගත් සංශෝධන රැසක් හඳුන්වා දී ඇත.
මෙම නව සංශෝධන යටතේ ළමුන්ට ශාරීරික දඬුවම් පැමිණවීම සම්පූර්ණයෙන්ම තහනම් වන අතර, එය වරදක් ලෙස සලකා නීතිය ක්රියාත්මක කිරීමට ප්රතිපාදන සලසා තිබේ. විශේෂයෙන්ම මින් පෙර පැවති නීතියේ "යහපත් චේතනාවෙන්" (In good faith) දඬුවම් කිරීමට තිබූ ඉඩකඩ මෙලෙස ඉවත් කර ඇත.
ප්රධාන වෙනස්කම්:
- සේවා නියුක්තිය: ළමුන් සමඟ සෘජුව ගනුදෙනු කරන රාජ්ය සහ පෞද්ගලික අංශයේ රැකියාවලට බඳවා ගැනීමේදී ඇඟිලි සලකුණු පරීක්ෂාව (Vetting) අනිවාර්ය කෙරේ.
- ඩිජිටල් ආරක්ෂාව: සබැඳි අවකාශය (Online) හරහා ළමුන්ට සිදුවන ලිංගික හිරිහැර සහ අපයෝජන වැළැක්වීමට නව නීතිමය බලතල එක් කර ඇත.
- නීතිමය නිර්වචන: ළමා කුරිරුකම් සම්බන්ධ නඩු මෙහෙයවීමේදී ඇති වූ බාධාවන් ඉවත් කරමින්, අදාළ වැරදි සම්බන්ධ නීතිමය නිර්වචන වඩාත් පැහැදිලි කර තිබේ.
